يا الله طلبتك ثبت العقل والدين
يامسيرٍ بامره حياة البريه
نسالك ياعدال ميل الموازين
ياعالم بكل الامور الخفيه
تعز من يمشي على منهج الدين
وتجنبه درب الحياة الشقيه
يالله بنصر مثل نصرك بحطين
تعز دينك والقلوب الرضيه
يارب نصرك لأهلنا في فلسطين
وتطهر الاقصى الشريف الابيه
والمسلمين بسوريا ذاقوا البين
وفي بورما ذبحوا بليا خطيه
شفنا على الشاشات مايدمي العين
أطفال تذبح مثل ذبح الضحيه
وهدم المساجد فوق روس المصلين
من دون لا رحمه ولا مرجعيه
والسنه اللي حالهم صار حالين
حرب الاباده مع ضياع الهويه
واخوانا الاحواز قومٍ عزيزين
ضاعت هويتهم غدت فارسيه
يالله تقويهم على المستبدين
وأهلك ذيول ايران والطائيفيه
اللي لعدوان الشريعه موالين
واعدوا العده لكسب القضيه
وبدوا بتمويل الفتن بالملايين
لارض الخليج اللي عليهم عصيه
أحلامهم خليجنا والحرمين
من شانها قاموا علينا سويه
وخليجنا دونه هل العز حامين
قاداتنا مايقبلون الرديه
يالله يامنزل تبارك وياسين
بك نستعين بكل روحه وجيه
يارب نصرك لامة الشرع والدين
التابعين الله وسنة نبيه
د. مناير الناصر
