رثاء في خالي الشيخ مساعد طريخم المرشدي رحمه الله رحمة واسعة

لا والله الا مات زبن الونين

لا والله الا راح ذرب اليمينا

كل القبيله من فراقه حزينين

كل بعد فرقي مساعد حزينا

يبكونه الاجنب قدام الادنين

ولاحدٍ بلايمنا ليامن بكينا

فجيعة منها انفجر مدمع العين

وقضت مضاجعنا وباح الكنينا

وثارت خوافينا سوات البراكين

والحزن من فرقاه خيم علينا

مصيبة حلت بنا صبح الاثنين

يالله على ما أصابنا أنك تعينا

في فقد راع الطيب والمنطق الزين

من خلقته ما قال علم مشينا

ما شب نار البغض بين القريبين

ولا طعن بلسانه الغافلينا

وجهه بشوش وضحكته فالحجاجين

وكرامته جزله وعلمه سمينا

مذكور بالإحسان والصفح واللين

لين جناب وفالقسى مايلينا

سيف نسله في نحور المعادين

نبلا به الاخصام لا من بلينا

والله ليبطن البنات المزايين

ما زمهلن مثله بطول السنينا

والله لنبطي والحزن فالشرايين

ووالله لنبطي نذكره مانسينا

يا الله يا منزل تبارك وياسين

ياللي نصلي لك ونرفع يدينا

اغفر ذنوبه وارحمه قولوا آمين

ويوم الحشر جعله مع الفايزينا

الشاعر/ محسن خاشم المرشدي