وش بلا وردها وطيورها والنخيل
يا صباح الأحد ماهي على عادته
وش بلا ليلة البارح مساها طويل
كل شعب الوطن يشكي وجع هامته
وش بلا المملكة جوه حزينٍ مليل
عقب ليل الطرب كل الطرب عافته
امس وأنفاس وردك له رحيقٍ عليل
وكل طيرٍ يغرد والفرح شارته
ما دري شوفي مسرب والنخل فيه ميل
يابساتٍ عذوقه عقب مارامته
عاهلٍ ما يجي مثله ابد مستحيل
فاله الطيب والجنه لمن جابته
ناخت ركابنا نطلب وليٍ جليل
يالله انه معافى سالمه قامته
سطام بن فارس بن طواله
