علمتني يا وقت ما فات اخليه

واحرص على القادم وافكر لقدام

وان الصبر لا طال لابد راعيه

يلقى الفرج ما دام صبره له احزام

وان المحبه جرحها ما يداويه

طبيب جراحٌ ولا طول الأعوام

وان الخوي ما هوب منهو تخاويه

ترى الخوي ياقف بشدات الايام

وان المجافي لازم اني اجافيه

دامه بغى بعدي فلا ظني انلام

وعلمتني أضحك وحزني أخفيه

اخفي همومك لو سرى الليل ما نام

وعلمتني اترك دروب المشاريه

دام التشره والخوي منه ما دام

مشكوور يا وقت دروسه بماضيه

دروس نفهمها بلا شرح واقلام

- عبدالله بن داود بن زيد العصيمي