يا ولي العهد لك باع طويل
في سنام المجد والراي السديد
واضحٍ فعلك ولا يبغى دليل
في الرخى طيب وفي الشدة شديد
في العدل منصف ولا يمكن تميل
الملك وصاك يا نعم العضيد
بالفكر نير تحل المستحيل
وبالعطى خير عسى عمرك مديد
الحمول ثقال وأنت اللي تشيل
حافظٍ دينك ولا عنه تحيد
اليتامى والارامل والعليل
وصلهم خيرك عسى ربي يزيد
باذلٍ للخيروالفعل الجميل
طايلٍ عطفك قريبين وبعيد
من لجا لك يبشر بظل ظليل
للمشاكل عندك الحل المفيد
في الوغى لك هيبتك سيفٍ سليل
وفاتحٍ بابك لشعبك ذا أكيد
من بغى يوصل مواصيلك جهيل
كل يوم ويوم لك فعلٍ جديد
ما يوفي الشعر يالشيخ الجليل
وما يكفي الوصف بوصافك فريد
قلتها بيتين ما تشفي الغليل
في ولي العهد يا زين القصيد
من عرف سلمان الشهم الأصيل
يشهد إنه صدق للسياسة عميد
- علي الدويسان
