يا الله يا منزل من المزن الأمطار
يا واحد تعلم بغيب الليالي
تنزل علينا الوبل يا والي الأقدار
وتسقي الفياض اليابسات المحالي
عقب الدهر والبر ماسر الانظار
جفت فياضه بالسنين التوالي
طالبك تروي دارنا دار الاخيار
من مدلهم في عروض الخيالي
والأرض تنبت عشب من كل الازهار
عشب تمايل به هبوب الشمالي
فيه الخزامى والبختري ونوار
شوفة هوى قلبي وغاية منالي
ترعا به اللي شوفها زال الاكدار
ذود لها فالقلب مقدار عالي
مع خوة ارجال مناعير واحرار
أهل الكرم والطيب خير الرجالي
اسج معهم في صحاصيح الاقفار
وابعد عن اللي ما يسرون بالي
تمت وصلى الله على سيد الأبرار
نبينا المختار رمز العدالي
- الشاعر نواف بن محمد الصخابرة
