سلامتك يا طيب الذكر والجود
نحمد عظيم الشان يوم انه اشفاك
عضد لشعبك يا بو متعب على الكود
بالراي والحكنة نبي مثل شرواك
والحمد لله سلمك مرسل النود
وخلاك ترجع بالسلامة لملفاك
طهور يا راع الوفاء دوم محمود
وأنت الذي دايم على الطيب مبداك
نطلب من الله دايم الدوم موجود
يا مفرجٍ كربات وهموم من جاك
الله يجعل بيننا الود ممدود
وانته بعيدٍ نفتخر في مزاياك
اهني اللي يرتجي مدك بزود
واهني المحتاج واللي ترجاك
الجوف فرحوا فرحة ماله حدود
بعد الشفاء اتباشروا في محياك
لك الأرامل واليتامى ومولود
كل رفع يده عسى الله يرعاك
ويطول عمرك يا بومتعب لنا عهود
أنت الذي عند المهمات ننصاك
الشاعر/ معزي بن عقيل القويعان - سكاكا - الجوف
