رساله حبرها الغيره حواها النصح والتوجيه

يقوله واحد مقصِّر وربك يعلم النيّه

ترى الأيام لو طالت تورّد بعضنا للتيه

كثير نسج بالدنيا لو الأيام مقضيّه

نسوّف دوم بالتوبه هوانا لازم نرضّيه

جميع أحلامنا صارت مع الأيام ورديّه

الا يا رب غفرانك ما غيرك واحدٍ نرجيه

طوتنا ذنوب بالغيبه نظنه حيل عاديّه

نصيحه دامنا احياء نحشم المال وانراعيه

نمد العون للمحتاج نساعد راعي الديّه

تهاب القبر ما تدري ويمكن بالقدر تأتيه

يا ليتك تعمل اليومٍ حياتك فيه منسيّه

يا غافل هادم اللذات ما فيه إنسانٍ مصافيه

تخيّل في ظلام اللحد تشوف الخير والسيّه

ترى عمري ترى عمرك ليالي نوصل التاليه

تمر أعمارنا تركض يا سرعه تقصر الفيّه

ياكم واحد من ربيعك توده يا رجل تغليه

توفى غادر الدنيا نسيت أكيد طاريّه

عوايدها هي الدنيا شجاع القوم واتبكيه

حذاري تنجرف معها ترفّق واخلص النيّه

الشاعر/ عبدالكريم إبراهيم بن خزيّم - البكيرية