عل الحيا لانشا نوّه من القبله
على سفوح جبله يرخي هماليله
اليا تراكم خياله وانتثر وبله
الغرب يقداه والمشرق يرفي له
على ربوع الوطن ماينقطع سبله
أيام وأيام مايخطي مداهيله
جنوب ماحده الضيرين والعبله
وشمال واد الجرير وماكفى سيله
لكن طافح ربابه يوم يجذب له
شقح ٍ شعاها المودّه في هوابيله
اللي يخيله ولو من بعد يطرب له
لاقام ينظر ببراق ٍسرى ليله
واليا شبك زاهر الحوذان والربله
يعجبك لا شفت نوّاره وأكاليله
