يسعد الله صباحك يسعد الله مساك
شوفتك تحتضني بالغلا والهيام
كل طاري يزفك شوق ينبع وفاك
يمتلكني ويفتح لك بقلبي غرام
أنت سيد زماني وأنت أجمل ملاك
وأنت أول غرام القلب وأنت الختام
دام قلبي بشوقه ابتلا واحتواك
لا تخليني في عز انشغالي مضام
لا تعذب حبيبك لا تحطم غلاك
وأنت لك في حياتي كل قدر ومقام
والله اني احبك حب واطلب رضاك
شف غلاك التبسته فوق صدري وسام
جيتك انتظرها كل يوم برجاك
يا عسى لو تحقق غايتي والمرام
اسعد الله صباحك واسعد الله مساك
يشهد الله احبك في غلا واهتمام
- وليد الناصر
