وش فيك مضايق عسى ما حصل شيء

ما عاش من ضايقك يا عيون خلك

صوتك من الآهات في نبرته كي

وضيقتك هذي ماهي بعادة لك

انطق تكلم حسّ في موتة الحي

ما أبيك تسكت والليالي تذلك

راع العيون اللي سقت رمشها ميّ

لعل دمعٍ هلته فدوة لك

شف نار صمتك احرقت من بغى الفيّ

قلب رجا باقي حياته بظلك

ما بي غموضك يكفي اللي حصل فيّ

قل لي عن سكاتك وش اللي حصل لك

اضحك عن اللي تكتمه وانطق شويّ

شتت حزن قلب عجز لا يملك

تكفا عشاني لا يجي بخاطرك شيء

ترا عذابي منك لا ضقت كلك

- سحايب خير