والدك/ ضاوي بن خالد بن شباب الشقاري العتيبي

لا نقول إلا الحمد لله، وإنا لله وإنا إليه راجعون، لله ما أعطى، ولله ما أخذ، وسبحان مقدر الآجال المتصرف المتعال.

يا ليتني قدام موتك توفيت

وفديت روحك يا مظنة فؤادي

نواف من فرقاك العت عانيت

وبكيت وأبكيت الحضر والبوادي

يبكيك محراب به الفرض صليت

تحرص تجيله قبل صوت المنادي

توك صغير وفي المعالي تعليت

كما تعلا الحر روس المبادي

ست سنوات مع عشر فيهن أمضيت

عمرٍ قصير وسجلت به أمجادي

أرضيت ربك بالعبادة كما رضيت

أرضيتنا بالبر وحسن المبادي

من نشأتك ما أخطيت ما أزعجت ما أوذيت

مؤدبٍ محنك والطبع هادي

نواف عقبك لا بحي ولا ميت

أنهرت نفسياً وكسر اشدادي

لقلت يا نواف في الحال لبيت

لوك بعز النوم فزيت عادي

أملت فيك آمال وأحلام وشفيت

وتبخرت وأصبحت صفر الأيادي

باحساس ابن هدلان في ذيب حسيت

بفقده لهاك العظيم الجوادي

أنا أشهد أني من فراقك تأذيت

الكون عندي موشح بالسوادي

نشيت في طاعة الله لين وافيت

الساعة اللي ما لها من تمادي

عساك في اللي في حياتك تمنيت

في جنة الفردوس مع خير هادي

الله أعلم وش من الحزن صاليت

وظن حزني لين يوم التنادي

عليك أشكي الحزن يا محيي الميت

يا منزل القرآن رب العبادي