عقاب الربع يكتب لغته الخاصة جداً ويرسم الشعر لوحة جميلة:

ذا مورق الجرح معلوقه ذبحه النحيب

من يوم سن الغياب وجاز فيه عتبي

وحيد.. ويدوزن أحزانه.. كما العندليب

هيّل همومه يهلي للهجوس: ارحبي

طقيت قلبه كئيب.. وقلت له يالحبيب

:ماصد عني.. ولا.. فكّر يقول شتبي؟

غريب.. واستوطن.. وهاجر.. وصار الغريب

القوم ماهي عرب.. او هو ماهوب عربي

البارحه طاح من عين المفارق صويب

من ثقل ماهو.. تعلق لين تل هدبي

صوته ليا صب صرخاته يصيب ويصيب

خفت اكتبه بالقصيد.. وينغبن بسببي

لا تنبز الدمع.. دمعك عاد وش هو يجيب

كنّه على منكبي.. يسيل من منكبي

دزيت صوتي الى الطُرقات إصحى تغيب

وتْغِيب و تْغِيب وتغِيب.. وتبيح تعبي

يابارد القلب.. لا توجس.. ولا تستجيب

خليت صوتي كذا: صوتٍ.. وحيد.. اجنبي

كم لي مضيعك ما بين الحنايا طليب

وانت اتمرجح بها طفلٍ..شقيٍ.. غبي

زيّك لياضاعت لعبّه تقل مستريب

أولك جيت تحبي وآخرك رحت تحبي

تلوج ف اربع جهاتك لا بعيد وقريب

مذعور والخامسه ما تنومن ياظبي

جّرب هجير الصدور ليا حداك المغيب

عشان تدري بأن مال النوايا عبي

الحين ولّم غيابك.. كان ودك تغيب

واضيع بغياهبك لا معزب ولا انت اجنبي

- عقاب الربع