كتب - زبن بن عمير:

للمساجلات أدب رفيع وصنعة شعرية بالغة التأثير وحديث لا يمل بين أهل الشعر وهنا تنشر مدارات مسجلة شعرية ملكية بين الأمير نايف بن عبدالعزيز رحمه الله وخاله الأمير محمد الأحمد السديري رحمه الله حيث قال أبو زيد:

انتم حباريكم تخافق بالاقفار

وحنا حبارينا السمك يالسنافي

وبايمانكم شقر سريعات الاطيار

والكل منهن ماضي الفعل وافي

ذكرتني يامير واصبحت محتار

وجاوبت خلج البل حم الشعافي

وذكرت طيب ايامنا سر وجهار

يوم الردي في نومة العصر غافي

مذكور يا نايف ذرا الضيف ومجار

ذكراك في قلب براه الولافي

قلب على الشدات يامير صبار

ان صد عن طيب الثنا كل هافي

فجاوبه الامير الأمير نايف:

يا خال روحتوا لنا ستة اسطار

رفاع المعاني كملتها القوافي

مثايل يختارها كل محتار

مثل الرعاف بجيد ظبي الكشافي

حييت فيها والتحية لها كار

ما غرد القمري بروس الخوافي

ليتك خوي لي الى شبة النار

في مربخ من وقدة الرمث دافي

نبته جديد ما طلع فيه نوار

سقاه مامور من الوسم ضافي

ممطور أمس ولا مشى فيه دوار

فيه الحباري مقبلات مقافي

اشيل فرخ واسهن وقع وطيار

وعلى يسارك اشقر الريش صافي

هذا عدو الخرب للريش نثار

وهذا الى طلع على الجو شافي

ما كدر الخاطر طويلات وقصار

هروج هزيلة من رجال ضعافي

من لابة يردون صعبات الاخطار

ما والفوا نوم الصفر والعوافي

نقضي لنا وقت وندفن لنا اسرار

والصبر زين وخير الأيام تافي

عاداتنا نقصر طويلات الاشبار

وعدونا نسقيه سم زعافي

لا عطل الواجب من الناس حبار

نارد ولو ان الموارد عيافي

نارد حياض وردها حامي حار

وبايماننا مصقلات رهافي

لعيون تلع سوقهن ما بعد بار

حديثهن لمجرح القلب شافي