تماسُك

ان حولت دمعات عيني محادير

لا احدٍ يصدقني مهو دمع عيني

دمعي عزيز النفس من عاده صغير

وان طاح والله ما تشيله يديني

***

جنون

تقابلنا تعاتبنا ونزعل لاتفه الاسباب

انا مدري من المجنون فينا من هو الصاحي

أنا لو طعت قلبي كان روحي لك تطير اسراب

وانا لو بشتكي لك كان كلٍ يسمع نواحي

***

عزيمة

شكواي لله يا كثر السواميح

ويا كثر دمعي على اللي ما بكاني

ويا كثر ما آقف وانا من داخل آطيح

واقوم ما اعدها كبوة حصاني

***

عتب

يا زمن يا كثر عيلاتك عليه

وش تخفي في السنين المقبلاتي

ليه تجرحني بلا ذنب وخطية

ليه نبهت الجروح الغافلاتي