تعال من كف الزمان اسرقني

النفس محتاجة كثير الراحة

محتاج منفى فيه ماتلحقني

ذكرى الزمان اللي مضى واشباحه

هذا الشعور اللي كثير ارهقني

وهذا الشعر وش فادني والساحة؟!

انزف ارق واعجابهم يغرقني

وانا الجريح اللي دواه جراحة !!

كل ماتحداني الزمن واحرقني

صارت حروفي عطر في فواحة

انا ابن ادم ياادمي صدقني

خسايره صارت تعد ارباحة..!

الليل في وجه السهر علقني..

وخلى خفوقي للحزن يجتاحة..!

في دفتري مسجون من يعتقني..

والقفل مرمي فى البحر مفتاحة؟!!

اعدّ مسباح القلق واقلقني

وش حيلة اللي حيلته مسباحة؟