بديت بذكر خلاق البرايا عالم النيات
آله الكون ومدير الكواكب في مجرتها
دعيت الهاجس وجاوب نداي بأعذب الابيات
بيوت تبتهج فيها المشاعر من ندارتها
بأبرك عام وابرك يوم وابرك ساعه من الساعات
نشوف وجيه نغليها ونفرح عند شوفتها
زيارة خالد وتركي زياره تحمل الخيرات
ومعها هلت الخيرات وانشقت سحابتها
بهم زلفينا صارت عروس باجمل الحلات
وبهم تفخر وتتباهى وهي في يوم زينتها
هلا باميرنا وبنايبه وانسابت البسمات
وبهم زلفينا هشت وبشت من بشاشتها
هــلا ماذعذع الغربي بارق واعذب النسمات
وعدد ماتشي القبله وما هلت غمامتها
هلا بخالد ولد بندر هلا في راعي الهومات
هلا و الزلفي ترحب وتعلن عن سعادتها
هلا باميرنا اللي جا لاجل ياقف على الحاجات
ويكمل مانقص منها وينعم في زيادتها
هلا يامير وبطلتك فزنا باجمل الطلات
علشانك من شيوخ تسر العـين طلتها
هلا بك ياحفيد اللي جمع في راية الرايات
وصارت راية وحده ترفرف فوق قمتها
ألاياسيدي هذي تراها أسعد اللحظات
وصدى زيارتك يبقى بالضماير من معزتها
وهلا بتركي ابن عبدالله المحبوب سمح الذات
هلا ترحيبة نصدح بها واليوم حزتها
بعد ذا نشكر المولى الكريم و منزل الآيات
على لطفه بدولتنا وتأييده حكومتها
حكومتنا بسياستها الرشيدة تنهي الأزمات
لها الله تكرم الشعب و تحكم في مسيرتها
حكومة راشدة ومسددة وتفرج الضيقات
بحكمتها وسلطتها ومسيرتها وحنكتها
حكومه قادها الليث الشجيع وجابر العثرات
حكومة شعب لجل الشعب تبذل كل طاقتها
حكومه قادها صقر العروبه واضع البصمات
وهو محبوبها اللي حكمته تكتب سياستها
ابومتعب حبيب الشعب كله تشهد الكلمات
وتشهد له قلوب عبرت له عن مودتها
حكيم راسخ المبدا لياراحت علوم وجات
جعل دولته بالقمه وأعلى من مكانتها
الشاعر/ عطاالله بن سليمان العطاالله
