العمر رحلة سفر والشعر في هالعمر مشوار

والذ مشوار عمر الأدمي ذكرى وصوره

والشاعر إمّا ترك في صفحة الدنيا له آثار

ما فاد نفسه ولا غيره ومات.. ومات دوره

والشاعر العذب وجدانه بلا بيبان وأسوار

وأسراره بلا قفل والصدق ينبي عن شعوره

عينه ترى غير.. ما العالم يشوفونه بالأنظار

وكتاب الأيام يقرا غير ما تبدي سطوره

روحه بالألماس مكسيّه وكنز ايدينه أصفار

وأيامه بجنة أحلامه غنيّة ومعموره

من لا يعرفه يشوف انه غريب أفكار وأطوار

ساعة يشوفه حزين.. وساعة بغاية سروره

والذ ما في حياة اللي يعشق الشعر الابحار

في عاطفة شاعره ويشوف ما تخفي بحوره