بدرٍ تجلّى في دجى الليل وأشرف

يبهج سنا نوره ظلام الفيافي

ساري ولا وِدّه من الناس يِعرف

لا شك نور البدر ما هو بخافي

عذبٍ طروبٍ ناعم العود وأهيف

فيه البها والملح والزين وافي

والعين ما يضفي على موقها الكف

يحفَّها رمشٍ على الخد ضافي

يوم ابتسم وَقًَّفْتْ والقلب وقَّف

وحار القدم والطرف بالنور طافي

كريم يا برقٍ تكاشف يرفرف

بأحضان وردٍ يانعٍ للقطافي

لَظّة سناه تشوّع القلب وتشف

أهل الهوى وأهل القلوب الرهافي

يا ليتني ما شفت زوله ولا لف

يَمّي بجيده كان رحت متعافي