كلما جيت ابضحك.. استحيت وبكيت
وكلما جيت ابنهض.. أتعثّر واطيح
وكلما جيت ابرقد.. طال ليلي وسريت
وكلما جيت ابسكت.. قام جرحي يصيح
وكلما انهي طريقي.. ف العذاب ابتديت
وكلما احاول اكتم.. راح دمعي يبيح
وكلما قلت مبروك.. استرحت ونسيت
أرجع أول ما يحس.. بالحياه الذبيح
لو دريت بطريقي.. آه لوني دريت
ما مشيته سليم.. وجيت منه.. جريح
انت لحظة غرورك.. ابتديت.. انتهيت
آه.. ليتك من اللحظات الأولى.. صريح
لعنبوها خطاوي.. جابتك لي وجيت
ولعنبوها قصايد.. قلتها لك.. مديح
ما كأني سقيت ولا كانك رويت
في فراقك كريم.. وفي وصالك شحيح
إن عطيتك عهودي خنتها وما وفيت
تخلط البغض بالحب.. والذهب بالصفيح
ما تمنيت ترجع.. لا.. ولا قلت ليت
ما يصح بحياتي.. شي.. غير الصحيح
الشاعر: علي الضوي
