قلبي عليل وقلبك اصحيح

يسرح ويمرح بالتسالي

ما حس بجروح المجاريح

ولا ذاق همِّي وانشغالي

بين الوناسه والتفاريح

والفكر من الليعات خالي

وانا وقلبي في تباريح

نتبع وَهَمْ عسر المنالي

كل ما نصحته آزم يصيح

ماله على الصبر احتمالي

لمَّحت لك مليون تلميح

انَك عزيز وشخص غالي

وصرَّحتْ لك في الشعر تصريح

وانته ولا عندك مجالي

ما بين متردد ونصِّيح

عايش هواك ولا تبالي

صدق الوعود تشلّها الريح

والله يعلم بالتوالي