يموت الحيا في داخل العالم الحيين
ويعيش انتكاسة واقعه ف الحياويه
نمر البيوت الي سقفها ملاه الطين
على اساس نلقى داخل قلوبهم فيّه
لكنّ القلوب الي تهاوت من الصوبين
خمد جمرها والنار ما عاد هي حيه
من اول تشوف الناس تستقبلك بالزين
على شان ما تكسر بخاطرك فالجيه
لو ان اليدين قصار، حتى بدون يدين
تشوف القلوب الي تبسّم شماليه
على الغيم نرسم حلم ونقبله يا لين
تشوف الهماليل اتساقط على النيه
على عكس واقع صار فعل المواجب شين
لو اني اروح لبيتهم مالي ايديه
معاذير واشغال البنادم على الحبلين
لو ان الحبال بسلم الأجواد ملغيه
يدور الزمن والذكر عند الرجال يبين
تموت الاسامي لكن افعالهم حيه
- فيصل الجعيد
