يا القلب عزي لك بعد طير حوران..

عز الله أن اللي فقدته فقيده..

الله يصبرني على بعض الأحيان..

منك العوض ياللي تكفّل عبيده..

واجرحي اللي في عيون الملا بان..

لاراح فرقا جات فرقا جديده..

اصبر واخبيها وابي منك غفران..

وهيه بوسط الجوف حامي حديده..

واخوي لامني نهمته كحيلان..

دايم يقربها ولوهي بعيده..

ابكيه كني بالدموع أم يتمان..

وتبكيه من طيبه جميع البديده..

نصبت قبره والحشا فيه نيران..

لكن عزايمنا بربي شديده..

ملبوسنا في ساعة العسر الايمان..

وسلاحنا عند الظروف العقيده..