إصرار
كم غايةٍ هانت ولا هان ممشاي
هونتها في خاطري وبصلاتي
وكم خالف التوفيق قصدي ومرماي
وكم غض طرفه عن بعيد امنياتي
***
شعر
ليت الشعر جمرة واطفي وهجها
واسكت واهمّش قصة النار والزيت
مير البلا الدنيا وضيّق فججها
تستاسع ليا قلت يا زين هالبيت
***
صور
فالليل اشوفك حلم وانت الحقيقة
واشوف غيرك فالحقيقة تقل حلم
ليت الحقيقه حلم ليلة وافيقه
والحلم ليته في حياتي هو العلم
***
مفارقة
اللي فقدني من الاحباب كلمني
واللي فقدته وكلمته تناساني
الاول احرجني بطيبه وعلمني
همّشت الاول وانا همشني الثاني
