وصية

الِوتر لا تنسى الوتر قبل لا تنام

توّض وأوتِر لجل ربك وناجه

تمَرغ بدمع الرجا مثل الايتام

واسجد وتلقى بالدعا كل حاجه

**

تشابه

‏البارحة سوالفك مثل روحك

بيضا وتاسر من تسمّع سوالِفك

لارقت يمطر من مشاعِرك بوحك

مالومه اللي من يحاكيك والفك

**

اتكال

الهم لو حاصَرك من أربع جهات

وأصبحت في دوامة الضيقة غريق

انظر لربك فوق وادعه بالثبات

واعرف ترى باب الفرج من بعد ضيق

**

صراع

اشتقت لك بس الزعل يردني

كم لي ونا مشتاق لك من غيبتك

قلبي يصيح يقول: تكفا ودّني

وراسي يردد لا تطيّح هيبتك