اللبيب يقال يفهم بالاشاره

والله اللي فاهم عبده وسره

والحكيم اللي فقد هيبة قراره

يا إلهي كيف تفكيره يبره

وش يفيد العقل من دون الجساره

دام غيره في هواء وده يفره

ما نقول الجار ضيع حق جاره

لن راع الحق حقه ما يقره

ان خسر مرتاح وان جتله شطاره

سامحا لو كان حقه ما يمره

شوفوا اللي منصبه عمر عماره

ما وصله من القشر مثقال ذره

لا وصله العلم حولها عياره

قاصر(ن) خيره وطايلنا بشره

من يشب النار ما يخشى الشراره

والحقيقه دائما بالوصف مره

كل نجما في السماء يلزم مداره

كوكب المريخ من ضمن المجره

لكن الفكرة بقى منها عباره

كودها لا وصلت الصابر تسره

من لبس للبشت ما زود وقاره

دام فكره من كبر عمره يغره

واللبيب يقال يفهم بالاشاره

والله اللي فاهم عبده وسره