ما بيك تطري كلمة فراق ووداع

ما دام قلبي بالمحبة وفا لك

لا تجرحي قلبي ترى القلب ملتاع

قلبي من اجروح الزمن صار هالك

يكفيه ماجا من زمانه من اوجاع

ما عاد باقي غير شمعة وصالك

لا لا تصير لحامي الوصل قطّاع

وارحم خفوقٍ كل ما غبت جالك

حبك بوسط القلب تحميه الاضلاع

ياللي سكنت القلب قلبي صفالك

ما للهجر بين المحبين اي داع

مادمت وافيلك وقلبي عنالك

وان كنت مخطي قلبك اليوم شفاع

اسمح خطاي ولا تقطع حبالك