الكل عايد صاحبه ليلة العيد
أما رسالة شوق وإلا من الراس
وانا اتخيل واخترع لي مواعيد
واعايد الجرح المخبى عن الناس
- عبد الله الطلحي
***
يا اجمل من الانسام مع طلعة الشمس
واعذب من الهتان من رايح الغيم
واصدق من الاحساس وادفا من الهمس
شوفك صباح العيد ومفارقك ضيم
- مطر العازمي
***
العيد من دونها مجروحه افراحه
لا صار هي شوفها بالذات عيدية
الحزن غطى عروق القلب واجتاحه
ضحكة فرح ظاهره وجروح مخفية
- عايض أبو شيبة
***
هلا بك هي هلا اللّي قالها الصايم ليوم العيد
هلا بك هي هلا اللّي قالها للغيث هالوادي
هلا بك هي هلا اللّي قالها يعقوب بالتنهيد
ليوسف يوم عاد وعاد شوفه وأنكف الغادي
- طلال الرشيد
