انا هواي الذود ومشاهد الذود
لو كان ماعندي من الذود بكره
وانا هواي الشعر لا صار محمود
والشعر وزن وقاف وابداع فكره
وانا هواي اللي مظاليلها سود
ومحدٍ لترفات المزايين يكره
وانا هواي مرافقة راعي الجود
اللي على الطالات قد بان ذكره
وانا هواي الجيب لا سابق النود
لا صار فل الفل دفلك ومكره
اسج بفياضن نواوير وورود
واستغفر الله واطلبه رزق بكره
لا صرت متعافي والاحوال في زود
ياجب عليّه حمد ربي وشكره
- صقر المرشدي
