يازين ياراع العيون الوسيعه
أنا وقلبي كلنا من فداياك
انته مثيلك ينشرا ما نبيعه
لو زادت أثمانك ترانا شريناك
الزين واجد فوق الأرض الوسيعه
لاشك زينك فاق هذا وهذاك
خدك كما برقا تزاود لميعه
سبحان من صور جمالك وسواك
فيك الحياء فوق الطخامه طبيعه
سجيتن ضميتها مع سجاياك
بالمختصر شرواك حاجه فضيعه
امحوطن بالزين منا ومناك
راع العذل في عشرتك ما نطيعه
بك يالغلا ماطيع هذا ولا ذاك
تعال يازهر الفؤاد وربيعه
لولاك مصبر كل هالصبر لولاك
- ناصر بن بايق الذرفي
