فواز كان الشعر رغبه وتنفيس

عطني من اطراف القوافي قوافي

عطني شعورٍ غير وارسم احاسيس

ما عاد لقلوب الحيارى منافي

ما للحكي ياصاح عالم وتدريس

دام السنين اللي قفتنا عجافي

لوكانت العلّه قصيد وقراطيس

سيّلت جاشي بالقصيد الخرافي

مار البلا ياصاح خلف الكواليس

شيٍ تصدّه شيمتي ما يشافي

هذي علومي وأنت يا صاحبي قِِيس

حجم المسافه بين جرد الفيافي

تدويبي افكارالفزع والوساويس

وانكر ذنوبي في سياق اعترافي

شاعر ولي طقس ومزاج وتضاريس

اغيب واحضر في عيون السنافي

اجهل وأنا أدري ما تضم الكراريس

واتقنت شرحك يا زمان التجافي

اهيم لاهب الهوى والنسانيس

واقوم لو انّي بالأحلام غافي

مرّت كذا كنّه خيال وكوابيس

في طلّته ساد الدلع والعفافي

قلت أوصفك قالت تحير المقاييس

خلك بحالك لا تغرّك ضفافي

أقفيت عنها في طريق الهواجيس

في جو لامعتم ولاهو بصافي