لا ما بقى بيني وبينك تفاهم

شي مضي ما بيننا لا تطريه

كم قلت لك في قرب الاحباب ساهم

وانت ولاهمك غرامي وطاريه

طعت العواذل والعواذل تراهم

باعوا غلاك وما وفوا في معانيه

تستاهل الهجران دامك معاهم

يا من يخون احساس قلبٍ مصافيه

خلك تحس بذنبهم وبخطاهم

وتذكر وش اللي صار باول لياليه

وتذكر بعد وش معجبك في هواهم

وتحس وقته في غرامي وماضيه

المشكله في كل الاوضاع فاهم

قلبك واعرفه ما يبي من يوصيه

لكن رموك وطعتهم في غلاهم

وخلوك تقسى في غرامي وتنهيه

تمشي ولا حسيت انك وراهم

في كل شي للأسف ما تراعيه

بعت الغلا من شان خاطر وفاهم

يا للأسف عشت الشقا مع بلاويه

واليوم هذا لاتجي للتفاهم

شي مضى ما بيننا لا تطريه