مرثية في الأديب والشاعر الأستاذ
سليمان الفليح - رحمه الله -
لو البكاء يحي لنا غالين مات
بكيت لين الدمع يدمي عيوني
ياطيب الوقفة وياطيب الذات
ما صعب فراقك يالكريم الحنوني
دمع الجرايد ماذخرته المجلات
هلت عبايرهن وهاضن شجوني
وسالت على خدي من الدمع عبرات
حاولت انا اردعهن وعين جفوني
تبكيك كل المعاني والأبيات
حتى قوافي شعرنا واللحوني
مالومهن في فقد رجل الملمات
الي ليا منه وعد ما يخوني
صدوق مايضمر ضغينة وشكات
ورفاقته على النقا وانشدوني
انا خويه يوم الأيام عدلات
وان ضاقت الدنيا متونه متوني
من مثل ابو سامي على مر الأوقات
كم كايده عنده ليا جت تهوني
ياما تخاوينا بسفره وكشتات
وعنه الجماعة دايماً يسالوني
انا أخوه وخوتي معه با لذات
ماتنسي لونهم يدفنوني
يرحمك ربي ياسفير المهمات
صدمت افراقك اخلفت حيل لوني
يارب تغفر له على كل مافات
وعساه بالجنة ومن يسمعوني
الشاعر/ سويلم الرميثي
