بدر الحويفي

شيم

عن بعض ما نسمع ويهرج تشيمت

وسلم الرجال أهل السلوم احترمته

ولو كل ما ثارت عجاجه تحيزمت

تهت الطريق وكل عاير صدمته

**

اجناس

الناس تعرف بالطبايع والأفعال

واللي تعزه سمعته يمدحونه

والما يجي به عذب ويجي به احثال

والكون به من كل كاين نمونة

**

فروق

أبا امدح الطيب ولاني مداري

واللاش لا خايف ولا حاسب له

الفرق باللي ياصلون المحاري

وإلا الردي شرهات مثلي تزله

**

رغبة

أنا غرامي وانبساطي وعيدي

تفريعة القرناس بأرض بها صيد

لا شطب الصيحان روس الزبيدي

والعشب جاله بالمثاني عناقيد