أحفادي

شوفة أحفادي علي وصل وسعاده

جنّةٍ من فضل ربي في حياتي

من رضى عنه الولي بالخير زاده

واحدٍ نسجد له فروض الصلاتي

مسكن أحفاد الشقاوي في فواده

فوقهم سبع الضلوع أمْحصّناتي

نورهم نوّر من الفرحة بلاده

يناظر أجواء مملكتنا منوراتي

بندر اللي يعجب الخاطر هداده

من مواكرٍ بالخشوم النايفاتي

والهنوف اللّي لها حبي قلاده

زينها يفرق على كل البناتي

وتركي اللي عامرٍ قلبي وداده

والله انّه مع غلا أحفادي شفاتي

الأمير الشاعر/ بندر بن فهد بن سعد