والعاصمة استبشرت بالمناجيب **** خالد وتركي كاسبين الجمايل
قصيدة بمناسبة العشاء المقام في منزل الشيخ ثنيان بن فهد الثنيان على شرف صاحب السمو الملكي الأمير خالد بن بندر بن عبدالعزيز أمير الرياض ونائبه صاحب السمو الملكي الأمير تركي بن عبدالله بن عبدالعزيز آل سعود - حفظهما الله.
يا مرحباً حييت وأزكى التراحيب
ترحيبة طالت على كل طايل
بسم الكريم اللي يحب المعازيب
ثنيان راع الطيب من نسل وايل
إعداد ما تشرق لنا الشمس وتغيب
يا أمير نجد اللي كسبت النفايل
يااللي ورثت المجد طيباً على طيب
حفيد من أسس وشال الثقايل
عبدالعزيز اللي يحل الأصاعيب
والفعل فعلة والدلائل دلايل
موحد الدولة بحسن الأساليب
وزال الفتن والشر يا أمير زايل
وأبوك من عدا برؤوس المراقيب
بندر كريم الخلق وافي الخصايل
واثني تراحيبي وأهل التراحيب
بتركي وريث الجود للخصم عايل
اذراعك الأيمن نهار المواجيب
ليا فرعن البيض والدم سايل
حطه على يمناك هيبة وتهييب
تركي على تركي عريب السلايل
ولد زعيم ماش مثله ولا جيب
خادم بيوت الله للخير نايل
اللي قضب بالمملكة خير تقضيب
في عالم فيه الفتن والهوايل
يقود دولتنا بحكم وترتيب
هذاك أبو متعب زعيم الصمايل
حكامنا آل سعود عز المطاليب
الشعب ما يرضى فيكم بدايل
أنتم هل التوحيد وأهل المحاديب
أهل السيوف معدلة كل مايل
والعاصمة استبشرت بالمناجيب
خالد وتركي كاسبين الجمايل
سكانها فرحوا وأنتم مكاسيب
ثقة ولاة الأمر فيكم مثايل
وصلوا على خير البشر دون تكذيب
أعداد ما هلت مزون المخايل
- الشاعر/ فيصل بن ناصر الذيابي
