من الراس للراس

اليوم جزت من الجهاله لعلي

مثل الذي في توبته باركوله

أيامي اللي من قديم أضحكن لي

أقفت كما نشرن بعيدن محوله

- مرشد البذال

كل ماشبيت نار المحبه مع حبيب

قام يسحل في مشاهيبها ويرشها

وكل ما واجهت لك فالزمن وجه غريب

مثل ماقال المثل دام تمشي مشها

وذمةٍ ماهيب تندار للحق المصيب

جعل قشاش الحطب لاسرح يقتشها

- سعد بن جدلان

انا لي مارد معروف تقصر دونه الانذال

ابا اسوق الركايب لين انوخها على جاله

ودرب الطيب واهل الطيب ابلقى لي معه مدخال

على وضح النقا امدح كل رجلٍ طيب لحاله

وانا يوم امدح اهل الطيب لا كاذب ولا محتال

احسب للكلام ومطلعه قدام مدخاله

- عوض القوانة

من كثر خلاّن الرخا في حياتي

أشعر بوحشة روح في كل شدَّه

من قّل موفين المحبه سواتي

كم روحة للروح من غير ردّه

- محمد صلاح الحربي