شاعرة .. وأكثر من صورة

قناعة

لو كان تطرد ورا الدنيا وتلحَقْها

ماقد صفَت قبلك لْغيرك فتصفيلك

لاعاد تجني على روحك وتمحَقْها

مافيه مخلوق ياخذ رزقك اللي لك

**

طيب

دايم نقول الموت يختار فالناس

والا الصحيح الموت منهي ومامور

لكن لا منّه خذا له مية راس

يروح معها راس بالطيب مشهور

**

مكسب

يازينها بحجابها ومكَملة دين وعقل

مثل الكحَيلة ما تميل الا معا خيّالها

الدين ماليها ثقة والعقل ماليها ثقل

ونتايج الثنتين راحة زوجها وعيالها

**

براءة

برْ نفسك وابتعد عن مخاواة الرخوم

مايذب الريع واحد وعينه في قفاه

الحرار تبعّد الشوح فالجو وْتحوم

والرْخَم لا عيّن اللي على دربه كلاه

- سعيد مقيل الاكلبي