لوحة

تعبت اسمّعك صوت الحب ما توحي

يصرخ لك الشوق ما جاوبت صرخاته

تعبت حتى من الكتمان وجروحي

وليٍل عشان اسهره طالت نهاياته

معذور صوت الغلا ياصلك مبحوحي

جاوب صدى صوتٍ اتعبته مسافاته

ما امداك تنسى الجروح وسالفة نوحي

وخفوقٍ انت السبايب في معاناته

لولاي احبك وحبك مالكٍ روحي

ما اعطيتك القلب قبل تقول لي هاته

يا بنت عن عزتي ما تقصر شبوحي

ولاني بمن يلحق المقفين شرهاته

- نويحي البديري