ياهيه

ياهيه انا بنهاك من بعض الاصحاب

اللي على النمه تسوق الخطاوي

لو هو رفيقٍ لك من الناس الاقراب

لا تامنه لو هو جميل الحكاوي

يفرح ليا جيته ويحسب لك حساب

ولا اقفيت تسمع فيك كل البلاوي

ابعد عن اللي للرديات كساب

قلبك دليلك يا بعيد الهقاوي

لا نافعٍٍ قربه ولا نال الاعجاب

خله ولا هو للجروح المداوي

عليك باللي منزله راس مرقاب

حرٍ على حمل الصعيبات قاوي

لو هو شهر بالطيب من ناسٍ اجناب

يغنيك عن باقي العرب والدناوي

في خوته تلقى معزة وترحاب

وتلقاه باللازم يحل الدعاوي

لا شك انا جربت والوقت ماطاب

وعلقت روحي في كثير المناوي

ولا حصل منها سوى كثر الاتعاب

وطبع الزمن ما هوب يرحم وياوي

- نواف بن محمد الصخابره