شاعر وأكثر من صورة

نصيحة

لا بغى الرجال يطلع من الدنيا خفيف

يربط ذراعه ويحبس لسانه في فمه

أشهد أن الوقت دوار وابن آدم ضعيف

تشتكي عينه من الشوكة اللي بقدمه

**

مثل

يقول المثل جنة بلا ناس ما تنداس

وانا اقول ما ابي الناس ابي ريحة الجنة

انا ما زرع في راسي الشيب غير الناس

ولولا الحيا كان ألحق الونة الونة

**

استحالة

ان كان رابع مستحيل أصدق الحب

فاصدق حبيب الثامن من العجايب

وانا رميت الحب في قاعة الجب

واتهمت فيه الذيب والذيب غايب

**

سجات

عسى الله يغفر ما بيجري وما جرى

ليا قمت في صف الجماعة طرى الطاري

أصلي ولو تنشدني الشيخ وش قرى

وتعطي عليها جايزة ماني بداري

- إبراهيم الشيخي