من يشبه البلطان

ما هي غريبة فوزنا بكأس الأبطال

في كل عام ليثنا له بطوله

هذي عوايدنا على مر الأجيال

ولا جت لنا حظ ولا هي بسهوله

في جوهرة جده لنا سبق وأفعال

في حضرة القايد وشوفه بطوله

خالد وخالد دعمهم فوق الأموال

واللي يبيه الليث والله يطوله

عمار فارس في الميادين خيال

لا جهز الفرسان تكسب خيوله

طالع مهند كيف يرقي للأقوال

الله على ضربات راسه وطوله

وقت الشدايد تعجبك همه رجال

لا حرك البلطان قوة اسطوله

والحارس اللي قفل الباب بأقفال

باب التجوري صعب تفتح قفوله

ونجومنا ما قصروا في كل الأحوال

لعب (ن) نظيف ولعبهم به رجوله

من يشبه البلطان في راحة البال

كأس الذهب بيديه والناس حوله

ابن سعيد أسس لنا ليث وهلال

عينين في راس وكل يقوله

منصور عبدالله الدهيمي - شاعر الليث