شاعر وأكثر من صورة

مناجاة

يالله شف وجهي على الارض ناجاك

مخافة منك وحب استقامه

في تالي الجمعه سجد يبغي رضاك

لا تحرمه عفوك نهار القيامه

**

جمايل

الله يقدرني على رد الجميل

والله يجمّلني الى جالي مـجال

والله يحط الستر لي ظـل ظليل

والله يقوّيني على وصل الحبال

**

دين

أشهد اني للبلاوي على الدنيا مدين

كل ما راجعت نفسي طلعت المستفيد

المواقف تشخل الناس والطيب يبين

كل عام يطيح تسعه ويصفى لي وحيد

**

مكانة

ودك تحطه فالعيون من العيون

وتبسط على رمضا الثرا يمناك له

وتظله من الشمس في ظل الجفون

ولا يمر اذنه سوا لباك له

- محمد بن فطيس