بصمات ناعمة

ان ما جعلت الليل دونك من مصابيحي بريق

وان ما تركت النوح جرح مات واحيى بلسمه

وان ما نثرت العمر بيدك صبح ورد بك يليق

وان ما نذرت الحرف يصبح منك اعظم ملحمه

ما اكون ذيك اللي تقول ان جار وقتك لا تضيق

بعينك الدنيا وان اكوي الهم واشرب علقمه

- أغراب

ناظر عيوني حزينة يا شفاتي

ناظر أحلامي تهاوت من هيامك

يا شتاتي ليتك تلملم شتاتي

لا تخليني كذا أبكي حطامك

مثل ما تعكس لي أوصافي مراتي

انت تعكس لي من صدودك مرامك

- أمسية

قسى شعور يكون قلبك مثبت

وتزلزله صدمة وهو حيل حساس

كذا تكون اللي بكت واستخبت

تبي تلم الجرح جابت له الفاس

لكن مع هذا اصمدت واستحبت

تكون أكبر من عنا الجرح والياس

- أميرة الجابري