ياقايد الامه
سلام ياخادم البيتين عبدالله
تسليمة المسلم اللي حافظٍ دينه
سلام ياجامع العربان في حله
سلام ياقايد الأمة ومغلينه
سلام ياللي تحد السيف وتسله
سلام يافزعة اللي جوه ناصينه
سلام ياللي تعقد الحبل وتحله
يارادع المعتدي مخزي شياطينه
سلام يابن الملوك اللي على الملة
اللي على منهج المختار ماشينه
أهل الشرف والشجاعة والكرم كله
حكامنا والله المعبود مرضينة
من وقت عبدالعزيز الله يغفرله
وحنا بنعمة وأمان وخير يازينه
اللي حُكم نجد لم الشمل مافله
وأرض الجزيرة ومافيها مطيعينه
وحد صفوف القبايل في ذرى ظله
وأخزى إبليس العور وأخزى معادينه
ياجعل جنة عدن والخلد منزله
اللي حكمنا بشرع الله قوانينة
القايد اللي يعز الشعب ماذله
والشعب قبلة يعيش بذل ياشينه
قايد جموع ماتخشى غير وجه الله
وعيين شيوخ القبايل فأول اسنينه
من ضمنهم ياطويل العمرعبدالله
الشيخ جدي ولاحنا بناسينه
شيخ القبيلة في عهد ابوك عزالله
اللي حمل بيرق التوحيد في حينه
جدي ابن ثعلي اللي يبري العله
وثايق أبوك تشهد له وتدوينه
وصلاة ربي على خير البشر كلة
عداد مافي الكتاب وفي دواوينه
وسلام ياخادم البيتين عبدالله
تسليمة المسلم اللي حافظً دينه
- عبدالعزيز بن عبدالهادي بن ثعلي الروقي
