ياللي تحل مشربكات الحبالي

يالله يامدير الهبايب والأفلاك

ياللي تحل مشربكات الحبالي

تفرج لقلب من عنا الوقت ناجاك

يرجيك يارب عليك اتكالي

يصبر على همه ولاهوب يخفاك

هم علي يازن بثقل الجبالي

ماهوب من فرقى ولاهوب من ذاك

وماهوب ود في حسين الدلالي

من حاجة في القلب والقلب ينخاك

ياواحد متفرد بالكمالي

يدعيك ويجلك ويمشي على رضاك

ويرفع لك كفوفه بتال الليالي

ما ودي اشرحهاوأنا تحت رجواك

وأنت الرحيم وتعلم بكل حالي

وماني بشاكي للبشر طالب حماك

واللي لجالك عاش والراس عالي

- نواف بن محمد الصخابرة