صقعات بقعا

يالله يارب القلوب الرحومة

ياجالي ضيقات كل امهمومي

تفرج لمن مثلي كلنه همومه

نارت ذلوله بالتفق والهمومي

اليا رقد ماونسنه احلومه

وليا قعد ماوده انه يقومي

عديت في رجم طوال رجومه

متحيلٍ ضاقت علي السلومي

دنيا تهوم وتاخذ الناس هومة

كم فرقت بأطراف حيٍ لمومي

احدٍ تكبر له منابت لحومه

واحدٍ توريه القصى والكعومي

أخاف من هيسٍ كبارٍ علومه

مسحّب الفايت ردي العزومي

يضحك على المبلي ويصبح يلومه

كنه على صقعات بقعا جزومي

ياما نعم بأطرافها فرخ بومة

كثرت دنانيره وصار محشومي

اليا ضحك كلٍ ضحك في يمومه

وليا كظم تلقى جلوسه كظومي

وهو لو يجي في ما قفٍ فيه قومة

خطر تقوم أمه وهو مايقومي

- صقر النصافي