شاعر وأكثر من صورة

شوق

حتى النحل من حسنها تاه واخطى

وقـّع على ثغره يحسبه عسل ورد

راع الهوى بالصوف لو هو تغطى

من زمهرير الشوق يشكي من البرد

***

مزاح

زلات واجد تجي بالمزح والهذرهة

لا تحتفظ بالصغاير يا قفص صدري

إن ما عرف قدري اللي منتظر عذرهه

يكفيني إني كبير ، وعارفٍ قدري

***

ايام

غبت وخذيت بغيبتك طعم الايام

يا طول فرقانا وحجم اتساعه

ساعة بدونك تنحسب باربع اعوام

يرضيك عام يروح في ربع ساعة؟

***

اختلاف

اللي بقلبي يختلف عن كلامي

ما كل كيف الحال.. قصدي بها الحال

أحيان كيفك تعني القلب ضامي

وأحيان وينك تعني البعد قتال

- جفا الشراري