هبا الغادي

‏يقولون.. والا ما قدحت الزناد عناد

تبينت واحسنت البيان وهبا الغادي

طريقٍ حرمني راحتي لو حرمت الزاد

علي اللزوم اني لاصوت هو البادي

وفا الحر يسوى جاع والا ظما وش عاد

من الوقت صد وكل حرٍ وفا صادي

سلامي على من لحفوه الثرى ماحاد

سلامٍ يليق بقيمة الغايب البادي

تحلّى بصبره والصبر للشديد شداد

ذهب ما ذهب جهده سدى واجهد السادي

الى شفت شراي الترف بالشرف قل ساد

قطع.. لا تهمك جنته.. جنته وادي

مرد الجذيب اللي محا من محاه وباد

يبيده ويبقا من هدي والله الهادي

مداد الذكر بعد الفعل والحياة ابعاد

سما حظ من لابعد مدى طاوع الحادي

عوافي. لو اطلق هبرة لسانه النقاد

تبينت واحسنت البيان وهبا الغادي

- إبراهيم العبداللطيف