|
|
|
لاخاب ظني بالرفيق الموالي
مالي مشاريه على نايد الناس
لعل قصرٍ مايجيله أظلالي
ينهد من عالي مبانيه لساس
لاصار ماهو مدهلٍ للرجالي
وملجا لمن هو يشكي الظيم والباس
|
|
الناس تفنى والمباني والاملاك
والقول يبقى والخبر للتوالي
الشعر معنى حكمته بعد الادراك
وماكل مايلمع على النور غالي
والشعر صورة شاعر فيه تلقاك
اما لبس لك جوح والاسمالي
|
|
احفظ حلالك اللي مع الناس يغيك
اللي الى بان الخلل فيك يرفاك
اجعل دروب المرجلة من معانيك
واحذر تمايل عن درجها بمرقاك
ادب ولدك كان تبغيه يشفيك
واستسعفه من بعد مرباه يالاك
|
|
وربعك إلى بان الخلل فيك عافوك
اقرب قريب لك من الناس يشناك
إن كثر مالك اصدقولك وطاعوك
وان قل مابيدك شانت حلاياك
|
|
ساس الردي لابد مبناه ينهال
ولد الردي صاحي تحطه بطانه
تلقاه وقت الضيق لاضكك الجال
الصفر لايغريك زين المعانه
ترى الذهب من صافي جنيه واريال
مايختلف ياذيب طيله زمانه
|
|
ترك عشير عشرته يوم اودون
ثم يبدل بك عشير وينساك
شف لك قطامي على السد مامون
درع القفا ماينهض الراس لحذاك
اللي الى اوحى الناس فيكم يهرجون
حامي على عرضك ويدمح خطياك
انا رفيقي لويجي دونه الدون
ما انساه لو اني على حوض الادراك
* ويقول : عبدالله اللويحان
الشور ماينفع قلوب المهابيل
كالزند وان حرك تطاير شراره
لوتأمره بالعدل يعرض على الميل
يستل على رأيه بربح وخساره
والطبع ماينزل غيره بتبديل
مثل الجدي مرساه ليلة نهاره
والحنظله لوهي على شاطي النيل
زادت مرارتها القديمه مرارة
|
|
لاتستشير إلا صديق يودك
في الله صافي السر مامون عاقبه
وترى شور من لايستشيرونه الملا
شمعه نهار في ضيا الشمس ذايبه
وترى النصايح في البرايا فضايح
وكم ناصح أضحى له الناس عايبه
|
|
تكلفك بامر مايخصك جهاله
وتبعدك عما كان يلزمك له قافي
ولاتصافي كود حيد صميدع
غيور على الصاحب نصوح وميلافي
ولاتلوم النفس في جاري القضا
مالك عن المقسوم يالعبد منكافي
ياشرهل المعروف منك بتواضع
وهل الشر باشرهم بشر وتستافي
|
|
ماطار وقع من مطيره ولوحام
والزود مثل النقص ينقص ولوزاد
دنيا تغر الناس في طول الاحلام
ولابد ياصل شرها بين الاجواد
ياماشي بالدرب مسري ومجهام
لابد من عقب المراويح معواد
احد قضى زامه واحد يمسك الزام
واللي صدر منها يجي غيره أوراد
|
|
من رابع الخايب سكن دوم واياه
لبس الدناسه عقد لبس الجدادي
ومن طاوع الشيطان في دينه اغواه
يصبح غريق بين الامواج غادي
ومن عاشر الطيب ترى الطيب شرواه
وبالطيب يرقى نايفات المبادي
خلك مع الطيب وممشك ممشاة
ورافق على الربع القروم العوادي
|
|
من كثر ماله ساروا الناس برضاه
ولوكان ناقص قالوا الناس وافي
ومن قل مابيده ترى الناس تشناه
ولوكان يسقيهم عسل قنط صافي
فالمال كم ساس طمان وعلاة
والفقر كم حطم روابع سنافي
لاشك ماللعبد عن حكم مولاه
من خير ولاشر والرب كافي
ماكتب للمخلوق لابد يلقاه
اما هزايم شر ولاعوافي
|
|
قوموا بدين الله ورزوا شعاره
واخشوا نهار فيه تخطيف الابصار
دنياك مرجعها الفنا والفشارة
لاتامن الدنيا ترى الوقت غدار
لابد من قبر وحيش جدارة
من مات يالمسكين خلى على الدار
واليوم أنا اوصيكم والحذارة
من يوم مامنه محاص ومطيار
|
|
لولا الردي ماصار للطيب سمعه
لاشك هذا ضد ذاك يصير
والناس مثل الماء غدير ومالح
هذا ملاح وذا زلال غدير
والأجواد قربتهم تبيض وجودهم
تنفع ولامن قربهم تأثير
والاشرار نفعتهم مكافاة شرهم
ولاترى قرب اللئيم خطير
من رابع الطيب كسب من مراجله
ومن رابع الخايب تراه عثير
|
|
اضرب طريق الخير واسلك مسيره
ولاتلتفت للناس عوجاة واقداه
ولو طال عمرك عارف وش مصيره
ازبن ولي العرش واتعب على ارضاه
واد الفروض الأوله والاخيرة
واضف لهن مخافة الله ورجواه,
|
|
قصرٍ يذلك لاتقابل مبانيه
خله عسى شامخ طويله هدامي
خله عسى ماصاب اغادير يفنيه
يودع منازله الطويله رجامي
لوان مدخاله وطالت حواميه
شيد على الخيبة قليل الرحامي
وحيٍ يوريك المذله وتغليه
انا أشهد انك ميت القلب عامي
من لايودك لاتوده وترجيه
ارفع مقامك ياعزيز المقامي
ارفع مقامك عن عدوك وتوذيه
ويلحقك من تركت رفيقك ملامي
حق الرفيق وواجبه لاتخليه
يلزمك مثل الوالدين الحشامي
|
 |
|
